SMART MOBILITY

ബാറ്ററി വാടകയ്ക്കു ലഭിക്കുന്ന ബാസ് പാക്കേജ് അവതരിപ്പിച്ച് വിഡ വിഎക്സ് 2

- റോഷ്നി കെ.

സ്കൂട്ടർ ഓടുന്ന കിലോമീറ്ററുകൾക്കു മാത്രം പണം നൽകിയുള്ള സ്കീമുമായി വിഡ. വിഡയുടെ ഏറ്റവും പുതിയ മോഡൽ വിഎക്സ്2 ൽ ബാറ്ററി വാടകയ്ക്കു ലഭിക്കുന്ന പാക്കേജ് ആയ ബാസ് ഹീറോ അവതരിപ്പിച്ചു. ഉപയോക്താക്കളുടെ ആവശ്യമനുസരിച്ച് പാക്കേജുകൾ തിരഞ്ഞെടുത്താൽ മതി. അതുമാത്രമല്ല, ഡിസൈനിലും മാറ്റങ്ങളുണ്ട്. ആദ്യഘട്ടത്തിൽ ഇറങ്ങിയ മുൻനിര ഇലക്ട്രിക് സ്കൂട്ടറുകൾ ശ്രദ്ധിച്ചാൽ അറിയാം. കൂടുതൽ ടെക്കി ആയിരുന്നു. കാറുകളിൽ ഉള്ളതു പോലെ ടച്ച് സ്ക്രീൻ, സ്മാർട് ഫീച്ചറുകൾ, സ്റ്റൈൽ... എന്നിവയിൽ മത്സരമായിരുന്നു അന്നത്തെ മോഡലുകൾക്ക്. പക്ഷേ, വളരെ കുറച്ചൊരു വിഭാഗം മാത്രമേ ടെക്കി മോഡലുകൾക്ക് ആവശ്യക്കാരായി ഉണ്ടായിരുന്നുള്ളൂ. ജോലിയുടെ ഭാഗമായോ ദൈനംദിന ആവശ്യങ്ങൾക്കോ ആണ് നല്ലൊരു ശതമാനം പേരും സ്കൂട്ടർ ഉപയോഗിക്കുന്നത്. ആ ഉപയോഗങ്ങൾ ക്ക് സ്മാർട് ഫീച്ചറുകൾ അധികപ്പറ്റാണ്.

45-50+ ഏജ് ഗ്രൂപ്പിലുള്ളവർക്ക് എളുപ്പം കൈകാര്യം ചെയ്യാവുന്ന മോഡലുകളോടാണ് താൽപര്യം. അതു മനസ്സിലാക്കിയാണ് ഹീറോ ഹംബിൾ സിംപിൾ മോഡലായി വിഎക്സ്2 നിരത്തിലെത്തിച്ചിരിക്കുന്നത്.

ഡിസൈൻ