5 സ്റ്റാർ സുരക്ഷ 25.71 കിമീ ഇന്ധനക്ഷമത

അത്യാധുനിക പെട്രോൾ എൻജിനും അഞ്ചു സ്റ്റാർ സുരക്ഷയും ഉഗ്രൻ ഇന്ധനക്ഷമതയും കൊതിപ്പിക്കുന്ന ഡിസൈനുമായി പുതിയ ഡിസയർ

- സന്തോഷ്

എസ്യുവികൾ കൊടികുത്തി വാഴുന്ന കാലത്ത് അവയോടു പൊരുതി ജയിക്കാൻ ഇന്ത്യയിൽ ഒരേയൊരു സെഡാൻ ഡിസയർ. കടുത്ത എസ്യുവി പോരാട്ടത്തിൽ എതിരാളികൾ കാലിടറി വീഴുമ്പോഴും പിടിച്ചുനിൽക്കയാണ് ഈ ജനപ്രിയ സെഡാൻ, കഴിഞ്ഞവർഷത്തെ വിൽപനക്കണക്കെടുത്താൽ കോംപാക്ട് സെഡാൻ വിഭാഗത്തിൽ എതിരാളികൾ എല്ലാം ചേർന്നാലും ഡിസയറിനൊപ്പം വിൽപന വരില്ല. അതാണ് വിജയകഥ. ഈ കഥ ഇപ്പോൾ പുതിയ ഡിസയറിലൂടെ നാലാം തലമുറയിലേക്കെത്തുകയാണ്. നാലു തലമുറകളിലായി 27 ലക്ഷം കാറുകൾ, ഇനിയും ഇറങ്ങാനിരിക്കുന്നു ലക്ഷങ്ങൾ...

സാധാരണക്കാരനെ സെഡാനിലേറ്റി ഇക്കാലത്തുള്ളവർക്കു പറഞ്ഞാൽ മനസ്സിലാവില്ല. സെഡാനുകൾ വൻ മുതലാളിമാർ മാത്രം ഉപയോഗിച്ചിരുന്ന ഒരു കാലഘട്ടമുണ്ടായിരുന്നു. അംബാസഡറും ഫിയറ്റും പിൻവാങ്ങിയ വിപണിയിൽ മാരുതി ഇരിപ്പുറപ്പിച്ച തൊണ്ണൂറുകൾ. ഹാച്ച് ബാക്കുകളാണ് അന്ന് പ്രഫഷനലു കളും ചെറു വ്യവസായികളുമൊക്കെ ഉപയോഗിച്ചിരുന്നത്. മാരുതിയിൽ നിന്നുതന്നെയുള്ള എസ്റ്റീമും ഫിയറ്റ് സിയേനപോലെയുള്ള അപൂർവം ചില സെഡാനുകളും മാത്രമുണ്ടായിരുന്ന കാലം. ഇതിനൊക്കെയൊരു മാറ്റമായി 2008ൽ ജനിച്ച് ഇന്ത്യയെ വ്യാപകമായി ഡാനിൽ കയറ്റിയത് ഡിസയറായിരുന്നു. സ്വിഫ്റ്റ് ഡിസയർ എന്ന് അന്നറിയപ്പെട്ടിരുന്ന ഡിസയർ പേരു സൂചിപ്പിക്കുന്നതുപോലെ സ്വിഫ്റ്റ് പ്ലാറ്റ്ഫോമിൽ രൂപകൽപന ചെയ്ത സെഡാനാണ്. പിന്നീട് പേരിൽനിന്ന് സ്വിഫ്റ്റ് വെട്ടിക്കളഞ്ഞ് ഡിസയർ സ്വയംപര്യാപ്തത നേടി.

വലുതായി ജനനം, ചെറുതായി വളർന്നു...