പോരാടാൻ ഗറില്ല

452 സിസി ഷെർപ എൻജിനുമായി റോയൽ എൻഫീൽഡിന്റെ മോഡേൺ റോഡ്സ്റ്റർ

- നോബിൾ എം. മാത്യു

കാത്തിരിപ്പിനു വിരാമമിട്ട് എൻഫീൽഡിന്റെ മോഡേൺ റോഡ്സ്റ്റർ ഗറില്ല 450 ലോഞ്ച് ചെയ്തു. നിലവിൽ വിപണിയിലുള്ള ഹിമാലയ നിലെ ഷെർപ 452 സിസി എൻജിന്റെ കരുത്തിലാ ണ് വരവ്. ഒളിപ്പോരാളി എന്നാണ് ഗറില്ല എന്ന പേരിന്റെ അർഥം. ട്രയംഫ് സ്പീഡ് 400, ഹീറോ മാവ്റിക്, ബജാജ് ഡോമിനർ, ഹുസ്ക് വർണ 401, വിറ്റ്പിലൻ എന്നിവരാണ് നേരിട്ടുള്ള എതിരാളികൾ.

എൻജിൻ

ഹിമാലയനിലുള്ള 452 സിസി ലിക്വിഡ് കൂൾഡ് സിംഗിൾ സിലിണ്ടർ എൻജിൻ തന്നെയാണ് ഗറില്ലയുടെയും കരുത്തിനാധാരം. 8000 ആർപി എമ്മിൽ 40.2 പിഎസ് ആണ് കൂടിയ കരുത്ത്. ടോർക്ക് 5500 ആർപിഎമ്മിൽ 40 എൻ എമ്മും. പവറിലും കരുത്തിലും മാറ്റമില്ലെങ്കിലും ഗറില്ലയു ടെ ക്യാരക്ടറിനു അനുസൃതമായി ട്യൂണിങ്ങിലും ഗിയറിങ്ങിലും മാറ്റമുണ്ടെന്നു റോയൽ എൻഫീൽഡ് അവകാശപ്പെടുന്നുണ്ട്. 3000 ആർപിഎമ്മിൽ തന്നെ ടോർക്കിന്റെ 85 ശതമാനത്തിലധികവും ലഭിക്കുന്ന രീതിയിലാണ് ട്യൂണിങ്. അസിസ്റ്റ് ആൻഡ് സ്ലിപ് ക്ലച്ച് സംവിധാനത്തോടെയുള്ള 6 സ്പീഡ് ട്രാൻസ്മിഷനാണ്.