ഇ-ടൂവീലർ Q & A Q&A

ഇ-ടൂവീലർ തകരാറുകളും ഔദ്യോഗിക വിശദീകരണവും

- roshni

2022 സെപ്റ്റംബർ മുതൽ റിവോൾട്ട് ബൈക്ക് ഉപയോഗിക്കുന്നു. ഇന്ധനച്ചെലവ് മാസം 3000 ൽ നിന്ന് 250 ആയി കുറഞ്ഞു. 7,300 കിമീ ഓടിയിട്ടുണ്ട്. അതേസമയം, താഴെപ്പറയുന്ന പ്രശ്നങ്ങളും നേരിടുന്നു.

1. എന്റെ മോഡലിന്റെ ഇമ്മൊബിലൈസർ തകരാറിലായി. ഷോറൂമിൽ അന്വേഷിച്ചപ്പോൾ സ്പെയർപാർട്സ് ഇല്ല, കമ്പനിയിൽ ഓർഡർ ചെയ്ത് അത് എത്തിച്ചേരാൻ 2 ആഴ്ച വേണ്ടി വരുമെന്നാണ് അറിയുന്നത്.

2. മഴക്കാലത്ത് ബെൽറ്റ് പൊട്ടിപ്പോകുന്നു.

3. ബാറ്ററി ടെർമിനലിലേക്ക് കണക്റ്റ് ചെയ്യന്ന വയർ ഷോർട്ട് ആകുന്നു.

4. സർവീസ്, സ്പെയർ പാർട്സ് സൗകര്യം കുറവ്.

 5. ഓയിൽ സീൽ ലീക്ക് ആയി 5 മാസം കഴിഞ്ഞിട്ടും സർവീസ് ലഭിക്കുന്നില്ല.

6. ആപ് പ്രവർത്തനം മെച്ചമല്ല. ജിപിഎസ് ലഭിക്കുന്നില്ല. ആപ് ആക്ടിവേറ്റ് ചെയ്തു കിട്ടാൻ 3 മാസം വേണ്ടിവന്നു. പുതിയ ഫീച്ചറുകൾക്ക് 10,000 രൂപ നൽകണമെന്നും പറയുന്നുണ്ട്.

മറുപടി : റിവോൾട്ട് സർവീസ്, കൊച്ചി

1. കുറച്ചുകാലം മുൻപുവരെ റിവോൾട്ട് സ്പെയർ പാർട്സ് ആവശ്യത്തിനു ലഭ്യമല്ലാത്ത പ്രശ്നം ഉണ്ടായിരുന്നു. കമ്പനിയുടെ ഉടമസ്ഥതയിൽ വന്ന മാറ്റങ്ങളാണ് അതിനു കാരണം. ഇപ്പോൾ രത്തൻ ഇന്ത്യ എന്റർപ്രൈസസിന്റെ കീഴിലാണ്. ഈ കാലയളവിൽ പ്രൊഡക്ഷൻ, സ്പെയർ പാർട്സ് നിർമാണം തുടങ്ങിയവയെല്ലാം നിലച്ചിരുന്നു. നിലവിൽ സ്ഥിതി മെച്ചമായിട്ടുണ്ട്. ഇക്കൊബിലൈസർ ആവശ്യത്തിനു ലഭ്യമാകുന്നതേയുള്ളൂ.

2. മഴക്കാലത്തു ബെൽറ്റ് പൊട്ടിപ്പോകുന്നതിനു 40% കാരണം നിർമാണത്തിലെ തകരാറും 60% കൃത്യമായ മെയ്ന്റനൻസിന്റെ അഭാവവുമാണ്. ബെൽറ്റിനു കവറില്ലാത്തതുകൊണ്ട് പൊടിയും ചെളിയും മറ്റും കയറും. കമ്പനി ആദ്യകാല മോഡലുകൾക്ക് 30,000 കിമീ വരെ വാറന്റി നൽകുന്നുണ്ട്. പുതിയ മോഡലുകൾക്ക് 15,000 കിമീ ആണ് വാറന്റി.