Crafted for Family

ഉഗ്രൻ ഇന്ധനക്ഷമതയാണ് ഔറ സിഎൻജിയുടെ പ്രധാന സവിശേഷതകളിലൊന്ന്.

- പ്രവീൺ

ഹ്യുണ്ടേയ് ഔറ സിഎൻജി  മോഡലുമായി ദീർഘയാത്ര. വഴിയിൽ വച്ചു കാറിൽ കയറിയ സഹ യാത്രികൻ തന്റെ അനുഭവം തുറന്നു പറഞ്ഞു. സംഭവം കിടുവാണ്. സ്ഥലമുണ്ട്, സൂപ്പർ സീറ്റുകളാണ്, പക്ഷേ, മൈലേജ് കുറവല്ലേ?

കിലോഗ്രാമിന് 25 കിമീ മതിയോ?

കിലോഗ്രാമോ? അപ്പോൾ ഇതു സിഎൻജിയാണോ?

പെർഫോമൻസ് കണ്ടാൽ സിഎൻജി ആണെന്നു തോന്നില്ലെന്ന് അടുത്ത കമന്റ്.

ചെറിയ ചില മിനുക്കുപണികൾ നടത്തിയപ്പോൾ കൊതിപ്പിക്കുംവിധം മാറിയിട്ടുണ്ട് ഔറ. അതിന്റെ കൂടെ ഫാക്ടറി ഫിറ്റഡ് സിഎൻജി കിറ്റ് കൂടി വരുമ്പോൾ ഒന്നു കൈകൊടുക്കാവുന്ന മോഡലായിട്ടുണ്ട്.

ഇന്ധനക്ഷമത

ഔറ സിഎൻജിയുടെ പ്രധാന ആകർഷണമായ ഇന്ധനക്ഷമതയിൽ നിന്നു തുടങ്ങാം. കാലിയായ സിഎൻജി ടാങ്കിൽ പരീക്ഷണ ഓട്ടത്തിനായി, ആദ്യമായി നിറച്ചത് 500 രൂപയുടെ സിഎൻജി. 5.5 കിഗ്രാം. അപ്പോൾ തൊട്ട് തിരികെ കാർ ഓട്ടമാറ്റിക് ആയി പെട്രോളിലേക്കു മാറുംവരെ ഓടിയ ദൂരം 139 കിമീ. ഇന്ധനക്ഷമത കിലോഗ്രാമിന് 25.27 കിമീ! ഇതേ ഇന്ധനക്ഷമത കിട്ടാൻ പെട്രോളിനു കൂടിയ വില കൊടുക്കണം. പെട്രോൾ മോഡലുകൾക്ക് ഇത്രയും മൈലേജ് കിട്ടുക അസാധാരണമാണുതാനും. കൊള്ളാം ഔറ സിഎൻജി. പെർഫോമൻസിൽ വലിയ കുറവില്ലാതെയാണ് ഈ അതിശയിപ്പിക്കുന്ന ലാഭം.

ഡിസൈൻ