Denemek ALTIN - Özgür

കണ്ടലിന്റെ ഗ്രീൻമതിൽ

Fast Track

February 01,2023

നേരെ കൊല്ലത്തേക്കു പോയാൽ അവിടെ കാത്തിരിക്കുന്ന DEBUTOMAT NAS കാഴ്ചകൾ ഉള്ളം നിറയ്ക്കുമെന്നതിൽ സംശയമില്ല.

- റോഷ്‌നി

തോണിയില്ലാത്തൊരു വീടില്ല. വെറുതെയല്ല ഏതു പ്രളയം വന്നാലും കൊല്ലത്തേക്കു വിളിയെത്തുന്നത്.

കൊല്ലത്തെ കാടുകാണാൻ ഇറങ്ങിയ വനിതകൾക്കു കൂട്ടായെത്തിയത് ഇഗ്നിസ് ഓട്ടമാറ്റിക്.

കടുവയും ആനയും കറങ്ങിനടന്നു പേടിപ്പിക്കുന്ന വനമല്ല. ജലാശയങ്ങളിൽ പച്ചപ്പിന്റെ വൻമതിൽ പണിയുന്ന കണ്ടൽവനം. കണ്ടു, അടുത്തറിഞ്ഞു.

പ്രകൃതിയെ പലതരത്തിൽ പരിഗണിക്കാം, പരിചരിക്കാം.

ചില വിനോദസഞ്ചാരകേന്ദ്രങ്ങളിൽ പോകുമ്പോൾ കേട്ടിട്ടില്ലേ... പണ്ടിവിടെ ഇങ്ങനെയല്ലായിരുന്നു... എന്നൊക്കെ.

വികസനം വികലമായിപ്പോകാതിരിക്കാൻ തിരിച്ചറിവുള്ള ജനത വേണം. യാത്രയ്ക്കിടെ മൂന്നു സ്ഥലങ്ങളിലാണ് ഞങ്ങൾ എത്തിപ്പെട്ടത്. ആദ്യത്തെയിടത്ത് തിരിച്ചറിവുള്ള ജനങ്ങളെ കണ്ടു. പ്രകൃതിയാലു ള്ള കണ്ടൽക്കാടുകൾ. അവയുടെ പ്രാധാന്യം അറിഞ്ഞുകൊണ്ടുള്ള ടൂറിസം. ജലാശയങ്ങൾ വളരെ വൃത്തിയായി സൂക്ഷിച്ചിരിക്കുന്നു. രണ്ടാമത്തെ സ്ഥലം പ്രകൃതിയോട് എന്തൊക്കെ ചെയ്യരുതെന്ന് നമ്മെ പഠിപ്പിക്കും. മൂന്നാമത്തേത് പ്രകൃതിയോട് മനുഷ്യന്റെ പ്രായശ്ചിത്തം.

സായിപ്പിന്റെ തുരുത്ത്

അതിരാവിലെ കോട്ടയത്തുനിന്നും ഇഗ്നിസ് ഓട്ടമാറ്റിക്കിൽ എംസി റോഡിലൂടെ യാത്ര ആരംഭിച്ചു. എന്തുകൊണ്ട് ഇഗ്നിസിനെ കൂടെക്കൂട്ടി എന്നു വഴിയേ പറയാം. പതിവിൽനിന്നു മാറി പടം പിടിക്കാൻ അൽഫോൻസയെ കൂടെക്കൂട്ടി. ഇഗ്നിസിന്റെ സാരഥിയായി സനൂപും. ഇതൊരു വനിതായാത്രയാണെന്നു വേണമെങ്കിൽ വിളിക്കാം. അംഗബലം ഞങ്ങൾക്കാണല്ലോ!

കൊല്ലത്തെ മൺറോതുരുത്ത് ലക്ഷ്യമാക്കി ഇഗ്നിസ് പാഞ്ഞു. ധനുമാസത്തിന്റെ കുളിര്. വിജനമായ പാതകൾ. നേരം പരപരാ വെളുക്കു മുൻപ് തുരുത്തിനടുത്തെത്തി. മെഡോസ് ഓഫ് മൺറോയിലെ ശരത്തും പപ്പ മണികണ്ഠൻ ചേട്ടനും ഞങ്ങളെ കാത്തിരിപ്പുണ്ടായിരുന്നു. ഖത്തറിലെ ജോലിക്കിടയിൽ ലീവിനു നാട്ടിലെത്തിയപ്പോൾ വള്ളത്തിന്റെ താങ്ങ് പിടിക്കാൻ വന്നതാണ് മണി ചേട്ടൻ. തോണിയാത്ര ആരംഭിക്കുന്നതിനു മുൻപ് അമ്മച്ചിയുടെ കടയിൽ നിന്ന് നല്ല ഏലക്ക കുത്തിപ്പൊടിച്ചിട്ട കാപ്പിയും ചായയും കുടിച്ചപ്പോൾ ത ന്നെ ഉഷാറായി. ചായക്കപ്പ് എവിടെ കളയുമെന്നോർത്തപ്പോൾ തന്നെ തോണിച്ചേട്ടൻ പറഞ്ഞു:

"വെള്ളത്തിലിടല്ലേ വേണമെങ്കിൽ വള്ളത്തിലിട്ടോ.