தீப்பெட்டிக்குள் அடங்கும் புடவை!

புடைவகள் என்றதும் காஞ்சிபுரம், பனாரஸ், மைசூர் ஆகியவை தான் ஞாபகத்திற்கு வருகின்றன.

- ராஜி ராதா, பெங்களூர்.

ஆனால் இந்தியாவில் மேலும் பல நகரங்கள் புடவைக்கு பிரபலம். அவற்றில் சிலவற்றை நாம் அறிந்து கொள்வோம்!

தர்மாவரம் புடவை:

ஆந்திர பிரதேசம் தர்மாவரம் நகரில் நெய்யப்படும் கைத்தறி பட்டு புடவைகள் நேர்த்தியான வடிவமைப்பு, வண்ணமயமான தோற்றம் மற்றும் பளபளப்புக்காக பிரபலம். கைத்தறி அதிகவலிமை மற்றும் தரத்தை தருகிறது. மல்பெரி பட்டு நூலால் நெய்யப்பட்டு இது பளபளப்பை தருகிறது.

தங்க முலாம் பூசப்பட்ட ஜரிகை வேலைப்பாடு கொண்டது. பல்வேறு வண்ணங்களில் கிடைக்கிறது. மேலும் இரண்டு வண்ணங்கள் இணைந்து வழங்கும் நிழல்கள் இதன் தனி சிறப்பு. பாரம்பரிய வடிவம், புள்ளி, பரந்தபார்டர் கொண்டது.

நீடித்து உழைப்பது 50 ஆண்டுகள் வரை சகஜமாக உழைப்பது. தர்மாவரம் பட்டு பாரம்பரியம் அழகு தரத்திற்காக அறியப்படுகின்றன. மதிக்கப்படுகின்றன.

பால ராமபுரம் (கேரளா):

இது கேரளாவின் பாரம்பரிய கைத்தறி புடவை. இயற்கையான கீரீம் நிற பருத்தி மற்றும் தங்க சரிகை பார்டர்களால் அலங்கரிக்கப்பட்டுள்ளன.