பெரிய புராணத்தை ஆங்கிலத்தில் மொழி பெயர்த்த தி.ந.ராமச்சந்திரன்!

அனைத்துத் துறைகளிலும் வழக்கறிஞர்களின் பங்களிப்பு அளப்பரியது.

- பவானி

தமிழ் இலக்கியத் துறையில் மிக அதிகம் ஆகும். சிறந்த வழக்கறிஞராகத் திகழ்ந்து வந்த தி.ந. இராமச்சந்திரன் ஒரு கட்டத்தில் தீவிர தமிழ்த் தொண்டராகி பெரிய புராணத்தை ஆங்கிலத்தில் மொழி பெயர்த்தார். சேக்கிழாரின் அருமை பெருமைகளை பட்டி தொட்டியெல்லாம் பரப்பி 'சேக்கிழார் அடிப்பொடி' ஆனார். பேராளுமை கொண்டவரான தி.ந. இரா. குறித்து ஒட்டு மொத்த தமிழ்ச் சமூகமும் அறிய வேண்டியது அவசியம். திருவையாறு அருகில் தில்லைத் தானம் என்னும் சிற்றூர் உள்ளது. முன்பு திருநெய்த்தானம் என்ற பெயரைக் கொண்டிருந்த இவ்வூரில் முதல் பராந்தகன் காலத்தில் கட்டப்பட்ட சிவன் கோயில் உள்ளது. வரலாற்றுச் சிறப்புமிக்க இவ்வூரில் நடராஜஐயர் -காமாட்சி தம்பதியருக்கு 18.08. 1934இல் 'சேக்கிழார் அடிப்பொடி' பிறந்தார். இவருடன் பிறந்தவர்கள் மொத்தம் 14 பேர், இவர் மூன்றாமவர். தில்லைத் தானம் நடராஜ ஐயர் இராமச்சந்திரன் என்ற பெயர் தான் பின்னாளில் டி. என். ஆர் என்ற சுருக்கப் பெயரில் பிரபலமானது. சிறந்த வழக்கறிஞராக டிஎன்ஆர் வலம் வந்தார். பின்னர் 'சேக்கிழார் அடிப்பொடி' என்ற மகத்தான புகழ்ப் பெயரை தமிழ் கூறும் நல்லுலகில் பெற்றார்.

பள்ளிப்படிப்பை சொந்த ஊரிலும் திருச்சி புனித ஜோசப் கல்லூரியில் பி.காம். படிப்பையும் முடித்து சென்னை சட்டக் கல்லூரியில் சட்டமும் பயின்றார்.

சென்னை உயர்நீதிமன்றத்தில் வழக்குரைஞராக சுமார் 30 ஆண்டு காலம் பணியாற்றினார்.