நான் தம் பிரியாணி மாதிரி!

கோலிவுட் முதல் பாலிவுட் வரை பிஸியாக நடித்து வருகிறார் நடிகை வாமிகா கபி. தமிழில் மாலை நேரத்து மயக்கம், மாடர்ன் லவ் ஆந்தாலாஜி படங்களில் நடித்தவர், தற்போது ரவி மோகனுக்கு ஜோடியாக 'ஜூனி' படத்தில் நடிக்கிறார். அவருடன் ஒரு அழகான உரையாடல்.

- தவா

உங்க கெரியர் வளர்ச்சியை எப்படி பார்க்குறீங்க?

குழந்தை நட்சத்திரமாக என்னுடைய கெரியரை ஸ்டார்ட் பண்ணேன். மக்கள் ரொம்ப வருஷமா என்னை பார்த்துட்டு இருக்காங்க. சில பேர், உங்களை எங்கேயோ பார்த்திருக்கேன், ஆனா எங்கேன்னு தான் தெரியல'ன்னு சொல்லுவாங்க. பஞ்சாபி, மலையாளம், தமிழ், தெலுங்குன்னு பல மொழிகளில் நடித்தாலும் என்னுடைய கெரியர் வளர்ச்சி ஸ்லோவா தான் இருக்கு.

நான் ஒரு தம் பிரியாணி மாதிரின்னு வச்சுக்கோங்க, சமைக்க டைம் ஆனாலும் டேஸ்ட் சூப்பரா இருக்கும். இப்படி ஒரு பிரியாணி நான் சாப்பிட்டதே இல்லன்னு பீல் பண்ணி சொல்லுவாங்க'ல்ல... அது போலத்தான் லேட்டா நான் வந்தாலும் என் கெரியர் பெஸ்ட்'ஆ இருக்கும். (சிரிக்கிறார்)