ഒരു വർഷത്തെ ഐശ്വര്യക്കാഴ്ച്ച

മഹാവിഷ്ണുവിന്റെ അവതാരമായ കൃഷ്ണൻ നരകാസുരനെ വധിച്ച ദിവസമാണ് വിഷുദിനമായി ആചരിക്കുന്നത് എന്നാണ് ഐതീഹ്യം. രാവണനുമായി ബന്ധപ്പെട്ട ഐതീഹ്യവും നിലനിൽക്കുന്നുണ്ട്. ജ്യോതിശാസ്ത്ര പരമായി വിലയിരുത്തുമ്പോൾ മലയാളികളുടെ സൂര്യോത്സവമാണ് വിഷു

- പ്രദീപ് ദീപശ്രീ

കേരളീയരുടെ പ്രധാന ആഘോഷങ്ങളിലൊന്നാണ് വിഷു. കേരളത്തിന്റെ പ്രധാന വിളവെടുപ്പുത്സവങ്ങളാണ് വിഷുവും ഓണവും. ഓണം വിരിപ്പുകൃഷിയുമായി ബന്ധപ്പെട്ടാണെങ്കിൽ വിഷു വേനൽ പച്ചക്കറി വിളകളുമായി ബന്ധപ്പെട്ടാണ് ആചരിക്കുന്നത്. മഹാവിഷ്ണുവിന്റെ അവതാരമായ കൃഷ്ണൻ നരകാസുരനെ വധിച്ച ദിവസമാണ് വിഷുദിനമായി ആചരിക്കുന്നത് എന്നാണ് ഐതീഹ്യം. രാവണനുമായി ബന്ധപ്പെട്ട ഐതീഹ്യവും നിലനിൽക്കുന്നുണ്ട്.

പുരാണങ്ങളിൽ പറയുന്നത് പ്രകാരം ഹിരണ്യാക്ഷനു ഭൂമീ ദേവിയിലുണ്ടായ പുത്രനായ നരകാസുരനെ വധിക്കാൻ മഹാവിഷ്ണു നരസിംഹാവതാരമെടുക്കുകയും നരകാസുരനെ വധിക്കുകയും ചെയ്ത ദിവസമാണ് വിഷു. നരസിംഹ മന്ത്രം സന്ധ്യക്ക് ജപിക്കുന്നത് ഉചിതമായിരിക്കും. 

വിഷു ദിനം പ്രകൃതീസ്വരി പൂജക്കുള്ള ദിവസം കൂടിയാണ്. ചിലയിടങ്ങളിൽ മണ്ണിനെയും പണി ആയുധങ്ങളെയും ഈ ദിവസം പൂജിക്കും.പണ്ട് കാലം മുതലേ വിഷു ഫലം പറയാൻ എത്തുന്ന ജ്യോത്സ്യൻ പ്രവചിക്കുന്നത് "എത്ര പറ വർഷം എന്നാണ്. ജ്യോതിശാസ്ത്ര പരമായി വിലയിരുത്തുമ്പോൾ മലയാളികളുടെ സൂര്യോത്സവമാണ് വിഷു.

വിഷു എന്ന പേരിന് പിന്നിലെ ഐതിഹ്യം എന്തെന്ന് നോക്കാം. വിഷുവം എന്നാൽ തുല്യമായത് എന്നാണർത്ഥം. അതായത്, രാത്രിയും പകലും തുല്യമായ ദിവസം. മാർച്ച് 21/22, സെപ്റ്റംബർ 21/22 ദിവസങ്ങളിലാണ് ഈ ദിവസങ്ങളിലാണ് ഭൂമധ്യരേഖാ പ്രദേശത്ത് സൂര്യപ്രകാശം 180 ഡിഗ്രിയിൽ നേരെ പതിക്കുന്നത്. ഇതേ പ്രതിഭാസം നമ്മുടെ നാട്ടിൽ നടക്കുന്നതിനെ വിഷു എന്നും പറയുന്നു. മേടം ഒന്നിന് മേട വിഷുവും തുലാം ഒന്നിന് തുലാ വിഷുവും ഉണ്ട്. കർണ്ണികാരത്തിന്റെ സൗന്ദര്യത്തിൽ ഭക്തരുടെ മനം കവരുന്ന വിഷുക്കണി. കർണ്ണികാരം പൂത്തു തളിർത്തു, കല്പനകൾ താലമെടുത്തു... എന്നു പറയുന്നതുപോലെ ശുഭപ്രതീക്ഷകൾ മനസ്സിൽ പൂത്തുലയുകയാണ്. (വിഷു കണിയിലെ സംക്രാന്തി നിമിഷം -09:15 പി എം ഏപ്രിൽ 13. പുണ്യകാല മുഹൂർത്തം: 12:27 പി എം 06:43 പി എം മഹാ പുണ്യകാല മുഹൂർത്തം: 04:38 പി എം 06:43 പി എം എന്നിങ്ങനെയാണ്.) സംക്രാന്തിയുടെ പന്ത്രണ്ട് അവസരങ്ങളിലും, ഭക്തർ സൂര്യദേവനെ ആരാധിക്കുകയും അവരുടെ സാമൂഹികവും സാമ്പത്തികവുമായ നിലയ്ക്ക് താങ്ങാൻ കഴിയുന്നത്ര  പുണ്യ  പ്രവർത്തനങ്ങൾ നടത്തുകയും ചെയ്യു ന്നു. “പുണ്യകാലം' എന്നറിയപ്പെടുന്ന സംക്രാന്തി തിഥിക്ക് മുമ്പും ശേഷവുമുള്ള പത്ത് ഘടികൾ (ഒരു ഘടി 24 മിനിറ്റ്) എല്ലാ പുണ്യ പൂജകൾക്കും പ്രാർത്ഥനകൾക്കും ശുഭകരമായി കണക്കാക്കപ്പെടുന്നു.