સ્પામાં યુવતીના બર્થ ડે સેલિબ્રેશનમાં ખૌફનાક કાંડઃ પોલીસ વિવાદમાં આવી

વસ્ત્રાલની ઘટનાઃ સ્પા સંચાલકે યુવતીને માર મારીને લોહીલુહાણ કરી દીધી

- 

અમદાવાદના વસ્ત્રાલ વિસ્તારમાં આવેલા એક સ્પામાં થોડા દિવસ પહેલાં બનેલી એક ઘટનાએ પોલીસ તંત્ર અને સ્પા ઈન્ડસ્ટ્રી બંને સામે ગંભીર સવાલો ઊભા કર્યા છે. એક યુવતીના બર્થ ડે સેલિબ્રેશનથી શરૂ થયેલી બબાલ એટલી હદે પહોંચી ગઈ કે યુવતીને લોહીલુહાણ હાલતમાં બે દિવસ સુધી સ્પામાં જ રાખવામાં આવી હતી, ત્યારબાદ તેને ઓઢવની એક હોટલમાં મૂકી દેવામાં આવી હતી. ઘટનામાં સૌથી ચોંકાવનારી બાબત એ છે કે યુવતી એટલી ગભરાઈ ગઈ હતી કે હોટલના રૂમમાંથી બે દિવસ સુધી બહાર જ નીકળી નહોતી. આખરે પોલીસ દરવાજો તોડી અંદર પહોંચી ત્યારે યુવતી બાથરૂમમાં બંધ હાલતમાં મળી આવી હતી.