ബംഗ്ലാദേശിന് പകരമായി സ്കോട്ട്ലൻഡ് വരുമോ?

ടി20 ലോകകപ്പിൽ പങ്കാളിത്തം അനിശ്ചിതത്വത്തിൽ

- 

ധാക്ക: ഇന്ത്യയിലും ശ്രീലങ്കയിലുമായി നടക്കാനിരിക്കുന്ന ടി20 ലോകകപ്പിൽ പന്തെറിയാൻ വെറും രണ്ടാഴ്ച മാത്രം ബാക്കി നിൽക്കേ അനിശ്ചിതത്വത്തിൽ ബംഗ്ളാദേശ് ക്രിക്കറ്റ് ടീം. ബംഗ്ലാദേശ് സർക്കാരിന്റെ കായിക ഉപദേഷ്ടാവായ ആസിഫ് നസുൾ, ദേശീയ ടീം ടി20 ലോകകപ്പിനായി ഇന്ത്യയിലേക്ക് പോകില്ലെന്ന് നേരത്തെ സ്ഥിരീകരിച്ചിട്ടുണ്ടെങ്കിലും പങ്കെടുക്കണോ വേണ്ടയോ എന്ന് തീരുമാനിക്കാൻ ബംഗ്ളാദേശ് ക്രിക്കറ്റിന് ജനുവരി 21 വരെ ഐസിസി സമയം നൽകിയിരിക്കുകയാണ്. നിലവിലെ സ്ഥിതി അനുസരിച്ച്, 20 ടീമുകളുടെ മത്സരത്തിനായി ബിസിബി ഇന്ത്യയിലേക്ക് പോകേണ്ടതില്ലെന്ന് തീരുമാനിച്ചാൽ സ്കോട്ട്ലൻഡ് ബംഗ്ലാദേശിന്റെ പകരക്കാരായി നറുക്കുവീഴാൻ സാധ്യതയുണ്ട്.