டிரம்பின் வரிப் புயலை எதிர்கொண்ட பங்குச்சந்தை!

இந்த வாரத்தின் நான்காவது வர்த்தக தினமான வியாழக்கிழமை பங்குச்சந்தை நேர்மறையாக முடிந்தது.

- நமது நிருபர்

நமது நிருபர் மும்பை / புது தில்லி, ஆக. 7: இதைத் தொடர்ந்து, மும்பை பங்குச்சந்தை குறியீட்டு எண்ணான சென்செக்ஸ், தேசிய பங்குச்சந்தை குறியீட்டு எண்ணான நிஃப்டி ஆகிய இரண்டும் சிறிதளவு லாபத்துடன் முடிவடைந்தன.

உலகளாவிய சந்தைக் குறிப்புகள் நேர்மறையாக இருந்தன. இந்நிலையில், அமெரிக்க அதிபர் டொனால்ட் டிரம்ப் இந்தியப் பொருள்களுக்கு கூடுதலாக 25 சதவீத வரியை விதித்துள்ள நடவடிக்கை ஜவுளி, கடல்சார் மற்றும் தோல் ஏற்றுமதி போன்ற துறைகளைக் கடுமையாகப் பாதிக்க வாய்ப்புள்ளது. இதன் தாக்கத்தால், உள்நாட்டுச் சந்தை சரிவுடன் தொடங்கி கீழே சென்றது.