தமிழகத்தின் வளர்ச்சியில் மத்திய அரசுக்குப் பங்கு

தமிழகத்தின் வளர்ச்சியில் கடந்த 11 ஆண்டுகளாக மத்திய அரசு கவனம் செலுத்திப் பங்களித்து வருகிறது என்று பிரதமர் நரேந்திர மோடி பெருமிதம் தெரிவித்தார்.

- 

தூத்துக்குடி, ஜூலை 26:

தூத்துக்குடியில் சனிக்கிழமை இரவு நடைபெற்ற விமான நிலையம், நெடுஞ்சாலைகள், ரயில்வே, துறைமுகம், மின்சாரம் தொடர்பான ரூ.4,900 கோடி மதிப்பிலான திட்டங்களுக்கு அடிக்கல் நாட்டுதல், தொடக்கம், நாட்டுக்கு அர்ப்பணித்தல் விழாவில் பிரதமர் நரேந்திர மோடி பேசியதாவது:

2014-ஆம் ஆண்டு தமிழகத்தின் வளர்ச்சி என்ற இலக்குடன் பணியைத் தொடங்கினோம். 2024-ஆம் ஆண்டு பிப்ரவரியில் வ.உ.சி துறைமுகத்தில் வெளிப்புற சரக்குப் பெட்டக முனையத்துக்கு அடிக்கல் நாட்டினேன். செப்டம்பரில் புதிய சரக்குப் பெட்டக முனையத்தை நாட்டு மக்களுக்கு அர்ப்பணித்தேன். இப்போது, தமிழகத்துக்கு மேலும் ரூ.4,900 கோடி மதிப்பிலான திட்டங்களைத் தொடங்கிவைத்ததும், மக்களுக்கு அர்ப்பணித்ததும் மகிழ்ச்சி அளிக்கிறது.

வளர்ச்சிக்கு முதுகெலும்பு: உள்கட்டமைப்பு, எரிசக்தி ஆகியவை ஒரு மாநிலத்தின் வளர்ச்சிக்கு முதுகெலும்பு போன்றவை. கடந்த 11 ஆண்டுகளில் அந்தத் துறைகளில் மத்திய அரசு கவனம் செலுத்தியது, தமிழகத்தின் வளர்ச்சிக்கு உதவியுள்ளது.