டி20: வரலாறு படைத்தது இந்திய மகளிர் அணி

இங்கிலாந்து மகளிர் அணிக்கு எதிரான 4-ஆவது டி20 கிரிக்கெட்டில், இந்திய மகளிர் அணி 6 விக்கெட்டுகள் வித்தியாசத்தில் வெற்றி பெற்றது.

- 

மான்செஸ்டர், ஜூலை 10: இந்த வெற்றியுடன், 5 ஆட்டங்கள் கொண்ட தொடரை 3-1 என்ற முன்னிலையோடு தன் வசமாக்கியது இந்தியா.

இங்கிலாந்துடனான டி20 தொடரை இந்தியா வெல்வது இதுவே முதல்முறையாகும். கடைசியாக இரு அணிகளும் 2006-இல் ஒரே ஆட்டத்தில் மோதியபோது இந்தியா வென்றிருந்தது. அதன்பிறகு சொந்த மண்ணிலும், அந்நிய மண்ணிலுமாக இங்கிலாந்துடன் மோதிய டி20 தொடர்களை இந்தியா இதுவரை வென்றதில்லை. இந்நிலையில், முதல்முறையாக அந்த அணிக்கு எதிரான, ஒன்றுக்கும் மேற்பட்ட ஆட்டங்கள் கொண்ட டி20 தொடரை அதன் மண்ணிலேயே வென்று இந்தியா வரலாறு படைத்துள்ளது.