முதல்வர் ஸ்டாலின் பொறுப்பேற்க வேண்டும்

சிவகங்கை மாவட்டம், மடப்புரத்தில் கோயில் காவலாளி அஜித்குமார் போலீஸாரால் அடித்துக் கொலை செய்யப்பட்ட சம்பவத்துக்கு தமிழக முதல்வர் மு.க.ஸ்டாலின் பொறுப்பேற்க வேண்டும் என தேமுதிக பொதுச் செயலர் பிரேமலதா தெரிவித்தார்.

- பிரேமலதா

மானாமதுரை, ஜூலை 5:

மடப்புரத்தில் கோயில் காவலாளி அஜித்குமார் தனிப்படை போலீஸாரால் அடித்துக் கொலை செய்யப்பட்டதைக் கண்டித்து, திருப்புவனத்தில் சனிக்கிழமை தேமுதிக சார்பில் ஆர்ப்பாட்டம் நடைபெற்றது.

இந்த ஆர்ப்பாட்டத்துக்கு கட்சியின் சிவகங்கை மாவட்டச் செயலர் திருவேங்கடம் தலைமை வகித்தார். பொதுச் செயலர் பிரேமலதா ஆர்ப்பாட்டத்தில் பங்கேற்றுப் பேசியது.