உலகை மாற்றவிருக்கும் நேட்டோவின் முடிவுகள்!

ங்களின் ஒவ்வோர் ஆண்டு மொத்த உள்நாட்டு உற்பத்தியிலும் 5 சதவீத தொகையை ராணுவத்துக்கு ஒதுக்கீடு செய்ய நேட்டோ உறுப்பு நாடுகள் ஒப்புக் கொண்டுள்ளன.

- - நாகா

ஏற்கெனவே கடந்த 2014-ஆம் ஆண்டில் இரண்டு சதவீத உள்நாட்டு உற்பத்தியை ராணுவத்துக்கு ஒதுக்க ஒப்புக் கொண்டிருந்த அந்த நாடுகள், இதை தற்போது ஐந்து சதவீதமாக உயர்த்தியுள்ளன.

பனிப் போர் காலத்தில், சோவியத் யூனியனின் செல்வாக்கு பரவுவதைத் தடுப்பதற்காக அமெரிக்கா முன்னின்று ஆரம்பித்ததுதான் நேட்டோ கூட்டமைப்பு.

அப்போதிலிருந்து அண்மைக்காலம் வரை, அமெரிக்காவின் அரசியல் நகர்வுகளுக்குத் தான் நேட்டோ அமைப்பு துணை போய்க்கொண்டிருக்கிறது.

அதற்காக அந்தக் கூட்டமைப்பின் செலவுகளுக்கு அமெரிக்கா அதிக பங்களிப்பை வாரி வழங்கிக் கொண்டிருந்தது.

ஆனால், 'அமெரிக்காவுக்கே முதன்மை' என்று முழக்கமிட்டுவரும் அதிபர் டொனால்ட் டிரம்ப்புக்கு இது நீண்டகாலமாகவே கண்களை உறுத்தி வந்தது.

இரண்டாவது முறையாக அதிபராகப் பதவியேற்றதும், 'உங்கள் பாதுகாப்பை நீங்களே பார்த்துக்கொள்ளுங்கள். ஐரோப்பாவை காப்பது எங்கள் வேலை இல்லை.

உங்களுக்கும் எங்களுக்கும் இடையில் ஒரு மகா சமுத்திரமே இருக்கிறது' என்று முகத்தில் அறைந்ததுபோல் டிரம்ப் சொல்லிவிட்டார்.