மதுரையில் முருக பக்தர்கள் மாநாடு நடத்த அனுமதி கோரிய வழக்கு விசாரணை ஒத்திவைப்பு

மதுரையில் முருக பக்தர்கள் மாநாடு நடத்துவதற்கு அனுமதி கோரிய வழக்கு விசாரணையை வருகிற 13-ஆம் தேதிக்கு ஒத்திவைத்து, சென்னை உயர்நீதிமன்ற மதுரை அமர்வு திங்கள்கிழமை உத்தரவிட்டது.

- 

மதுரை, ஜூன் 9:

மதுரையைச் சேர்ந்த முத்துக்குமார் சென்னை உயர்நீதிமன்ற மதுரை அமர்வில் தாக்கல் செய்த மனு: இந்து முன்னணி அமைப்பு சார்பில் வருகிற 22-ஆம் தேதி மதுரை பாண்டிகோவில் அருகேயுள்ள அம்மா திடலில் முருக பக்தர்களின் ஆன்மிக மாநாடு நடைபெற உள்ளது. 10 நாள்களுக்கு முன்பாக மாநாடு மையத்துக்குள் முருகப்பெருமானின் அறுபடை வீடு திருக்கோயில்களின் மாதிரி அமைப்புகள் அமைக்கப்பட உள்ளன. அன்றைய தினத்திலிருந்து அங்கு சிறப்பு பூஜைகள், ஆன்மிக கலைநிகழ்ச்சிகள் நடத்தத் திட்டமிடப்பட்டுள்ளன. எனவே, பூஜைகள், நிகழ்ச்சிகள் நடத்துவதற்கு அனுமதி வழங்க வேண்டும் என அவர் கோரியிருந்தார்.