கோவைக்கு செயல்படுத்தப்பட்ட திட்டங்கள் என்ன?

பாஜக எம்எல்ஏ-க்கு அமைச்சர்கள் பதில்

- 

சென்னை, ஏப். 9: கோவைக்காக செயல்படுத்தப்பட்டு வரும் திட்டங்கள் குறித்து பாஜக எம்எல்ஏ-க்கு அமைச்சர்கள் விளக்கினர். சட்டப்பேரவையில் குறு, சிறு, நடுத்தரத் தொழில்கள், தொழிலாளர் நலத் துறை மானியக் கோரிக்கை மீது புதன்கிழமை நடைபெற்ற விவாதத்தில் பாஜக எம்எல்ஏ வானதி சீனிவாசன் பேசினார். அப்போது நடந்த விவாதம்:

வானதி சீனிவாசன்: கோவை மாவட்டம், குறிச்சி தொழிற்பேட்டையில் அடிப்படை வசதிகள் இல்லாமல் மோசமாக உள்ளது. அரசு செலவழிக்கும் பணம் சரியாகத்தான் செலவழிக்கப்படுகிறதா என்பதைப் பார்க்க வேண்டும். வெளிமாநிலங்களைச் சேர்ந்தவர்களுக்கு கோவை, திருப்பூர், ஈரோடு போன்ற மாவட்டங்கள் அதிக அளவு வேலைவாய்ப்புகளை வழங்கி வருகின்றன. குறைந்தபட்ச மனித உரிமைகளுடன் வெளிமாநிலத் தொழிலாளர்கள் தங்குவதற்கு வாய்ப்புகளை ஏற்படுத்தித் தர வேண்டும். அவர்கள் தொழில் வளத்தைப் பெருக்க உதவிக் கொண்டிருக்கிறார்கள்.