தர்ப்பையின் தேவை...

வயல்வெளிகளில் சாதாரணமாக வளரும் தர்ப்பைப் புல்தான் இன்று உலகச் சந்தையில் 'வெல்னெஸ் ப்ராடக்ட்ஸ்' என உருமாறி விற்பனையாகி, இந்திய ஆன்மிகத் தயாரிப்பு என்கிற பெருமையுடன் உலா வருகிறது.

- 

திருச்சி தேசிய நெடுஞ்சாலையில் பயணிப்போர் கும்பகோணத்தை நெருங்குவதற்கு சில கி.மீ. முன்னர் சாலையின் ஓரங்களில் பச்சை நிறப் பாய்களாகப் பரத்தி வைக்கப்பட்டிருக்கும் புற்களைக் காணலாம். 'ஏதோ தர்ப்பைப் புல்லைக் காய வைக்கின்றனர்' என்று நினைத்தபடி சில நிமிடங்களில் கடக்கக் கூடிய சாதாரண காட்சிதான். ஆனால், இதுதான் பல கிராமங்களை வாழ வைத்துக் கொண்டிருக்கிறது. இதமான வெயிலில் குடும்பத்தோடு வேலையில் ஈடுபட்டிருந்த செந்தில், கண்ணன், வீரமணி, முருகன் உள்ளிட்டோரிடம் பேசியபோது: