அவுரித் தழை விலை வீழ்ச்சியால் நஷ்டத்தை சந்திக்கும் விவசாயிகள்!

விழுப்புரம் மாவட்டத்தில் அவுரித் தழையின் விலை வீழ்ச்சி அடைந்துள்ளதால், உற்பத்திக்கான செலவைக் கூட ஈட்ட முடியாத நிலையில் விவசாயிகள் தவித்து வருகின்றனர். அவர்களின் நலன் காக்கும் வகையிலான நடவடிக்கைகளை அரசு மேற்கொள்ள வேண்டும் என எதிர்பார்க்கின்றனர்.

- கு.வைத்திலிங்கம்

விழுப்புரம், ஜூன் 22: விழுப்புரம் மாவட்டத்தில் அவுரித் தழையின் விலை வீழ்ச்சி அடைந்துள்ளதால், உற்பத்திக்கான செலவைக் கூட ஈட்ட முடியாத நிலையில் விவசாயிகள் தவித்து வருகின்றனர். அவர்களின் நலன் காக்கும் வகையிலான நடவடிக்கைகளை அரசு மேற்கொள்ள வேண்டும் என எதிர்பார்க்கின்றனர்.

விழுப்புரம் மாவட்டத்தில் நெல், கரும்பு, வாழை போன்ற பயிர்கள் சாகுபடி குறிப்பிட்ட அளவில் நடைபெறுவது போன்று, சில குறிப்பிட்ட பயிர்களின் சாகுபடியும் பரவலாக நடைபெற்று வருகிறது. அந்த வகையில், அவுரித் தழை சாகுபடியும் மாவட்டத்தில் குறிப்பிட்ட அளவில் நடைபெற்று வருகிறது.

விழுப்புரம் மாவட்டத்தில் வல்லம், விக்ரவாண்டி, மயிலம், செஞ்சி பகுதிகளில் சுமார் 1,500 ஏக்கரில் அவுரித் தழை சாகுபடியை விவசாயிகள் மேற்கொண்டு வருகின்றனர். இதேபோல கள்ளக்குறிச்சி மாவட்டத்திலும் பரவலாக அவுரித்தழை சாகுபடி நடைபெறுகிறது.

ஏற்றுமதி: அழகுசாதனப் பொருள்கள் தயாரிப்புக்கும், தலைச்சாயம் (ஹேர் டை), ஜீன்ஸ் பேன்ட் தயாரிக்கப் பயன்படுத்துவதற்கும் அவுரி பயன்பாடு முக்கியமானதாக உள்ளது.

அவுரித் தழையை காய வைத்து, பொடியாக்கி வெளிநாடுகளுக்கு ஏற்றுமதி செய்யப்பட்டு வருகிறது. அழகுசாதனப் பொருள்கள், தலைச்சாயம் உள்ளிட்டவற்றை தயாரிக்கும் நிறுவனங்கள் இந்தப் பொடியைக் கொள்முதல் செய்து வருகின்றன.