ராகுலின் 55-ஆவது பிறந்த நாள்: பிரதமர், தலைவர்கள் வாழ்த்து

மக்களவை எதிர்க்கட்சித் தலைவரும், காங்கிரஸ் எம்.பி.யுமான ராகுல் காந்தியின் 55-ஆவது பிறந்த நாளையொட்டி, அவருக்கு பிரதமர் நரேந்திர மோடி, காங்கிரஸ் தலைவர் மல்லிகார்ஜுன கார்கே, கட்சியின் மூத்த தலைவர்கள், கூட்டணி கட்சிகளின் தலைவர்கள் உள்ளிட்டோர் வியாழக்கிழமை வாழ்த்து தெரிவித்தனர்.

- 

புது தில்லி, ஜூன் 19:

பிரதமர் மோடி வெளியிட்ட எக்ஸ் பதிவில், 'மக்களவை எதிர்க்கட்சித் தலைவர் ராகுல் காந்திக்கு பிறந்த நாள் வாழ்த்துகள். அவர் நீண்ட ஆயுள், ஆரோக்கியத்துடன் வாழ வாழ்த்துகிறேன்' என்று தெரிவித்துள்ளார்.காங்கிரஸ் தலைவர் மல்லிகார்ஜுன கார்கே வெளியிட்ட எக்ஸ் பதிவில், 'அரசமைப்புச் சட்ட மாண்புகளுக்கான அர்ப்பணிப்பும், புறக்கணிக்கப்பட்ட கோடிக்கணக்கான மக்களுக்கு சமூக, அரசியல், பொருளாதார நீதியை உறுதி செய்வதற்கான இரக்க குணமும் மற்றவர்களிடம் இருந்து உங்களை வேறுபடுத்திக் காட்டுகிறது.