கேரளம்: நடுக்கடலில் 2-ஆவது நாளாக எரியும் சரக்குக் கப்பல்

கேரள கடற்கரையில் தீப்பற்றிய சரக்குக் கப்பல் தொடர்ந்து 2-ஆவது நாளாக செவ்வாய்க்கிழமையும் எரிந்தது.

- 

கொச்சி, ஜூன் 10: கப்பலில் இருந்த ரசாயனப் பொருள்களும் அவ்வப்போது வெடித்துச் சிதறி வருகின்றன.

கப்பலில் இருந்து மீட்கப்பட்ட 18 ஊழியர்களில் இருவரின் நிலைமை கவலைக்கிடமாக உள்ளது. நால்வர் தீவிர சிகிச்சைப் பிரிவில் உள்ளனர் என்று தெரிவிக்கப்பட்டுள்ளது. கப்பலில் மொத்தம் 22 பேர் இருந்த நிலையில் நால்வரின் நிலை என்னவானது என்பது தெரியவில்லை.