அமெரிக்கா: லாஸ் ஏஞ்சலீஸ் நகரில் கலவரம்

அமெரிக்காவின் லாஸ் ஏஞ்சலீஸ் நகரில் குடியேற்ற விதிமீறல்களில் ஈடுபட்டதாக 118 பேரை குடியேற்ற அதிகாரிகள் கடந்த வாரம் கைது செய்தனர்.

- 

நியூயார்க், ஜூன் 8: இதையடுத்து, குடியேற்ற அதிகாரிகளுக்கு எதிராக ஆயிரத்துக்கும் மேற்பட்டோர் கடந்த வெள்ளிக்கிழமை முதல் தீவிர போராட்டத்தில் ஈடுபட்டுள்ளனர்.

அரசு அலுவலகத்துக்குள் அத்துமீறி நுழைந்த ஆர்பாட்டக்காரர்களால் கலவரம் ஏற்பட்டது. காவல் துறையினரும் தாக்கப்பட்டனர். காவல் துறையினர் கண்ணீர் புகைகுண்டுகளை வீசி, ஆர்பாட்டக்காரர்களைக் கலைத்தனர். இதனால் அப்பகுதியில் பதற்றம் நிலவுகிறது.

அமெரிக்க அதிபராக டொனால்ட் டிரம்ப் நிகழாண்டு தொடக்கத்தில் 2-ஆவது முறையாக பொறுப்பேற்றார். அப்போது இருந்தே சட்டவிரோத குடியேறிகளுக்கு எதிராக கடுமையான நடவடிக்கைகள் தொடர்ந்து வருகின்றன.