திருவண்ணாமலையில் தரிசனத்துக்கு ஐந்து மணி நேரம் காத்திருப்பு

பக்தர்கள் மோதல்; இருவர் காயம்

- 

திருவண்ணாமலை, ஜூன் 1: திருவண்ணாமலை ஸ்ரீஅருணாசலேஸ்வரர் கோயிலில் ஞாயிற்றுக்கிழமை சுமார் 5 மணி நேரம் காத்திருந்து பக்தர்கள் சுவாமி தரிசனம் செய்தனர். அப்போது, வரிசையில் நின்றிருந்த தெலங்கானா மாநில பக்தர்களிடையே ஏற்பட்ட மோதலில் இருவர் காயமடைந்தனர்.

திருவண்ணாமலை ஸ்ரீஅருணாசலேஸ்வரர் கோயிலுக்கு வரும் பக்தர்கள் எண்ணிக்கை நாளுக்கு நாள் அதிகரித்து வருகிறது. இந்த நிலையில், விடுமுறை தினமான ஞாயிற்றுக்கிழமை அதிகாலை முதலே கோயிலில் பக்தர்கள் கூட்டம் அலைமோதியது.