டிஜிபி தொடர்பு குறித்து விசாரிக்க உத்தரவு

நடிகை ரன்யா ராவ் தங்கம் கடத்திய வழக்கில் டிஜிபி ராமச்சந்திர ராவின் தொடர்பு குறித்து சிஐடி விசாரணைக்கு கர்நாடக மாநில அரசு உத்தரவிட்டுள்ளது.

- 

பெங்களூரு, மார்ச் 11:

நடிகை ரன்யா ராவ், துபையில் இருந்து பெங்களூருக்கு தங்கம் கடத்தி வந்தபோது, அவரைச் சோதிக்காமல், பாதுகாப்பாக போலீஸ் அழைத்துச் சென்றது தெரியவந்தது. கர்நாடக மாநில காவல் வீட்டுவசதி கழகத்தின் மேலாண் இயக்குநரும், டிஜிபியுமான ராமச்சந்திர ராவின் மகள் என்பதால் நடிகை ரன்யா ராவுக்கு விமான நிலையத்தில் சோதனையில் இருந்து விலக்கு அளிக்கப்பட்டதா என்று எதிர்க்கட்சிகள் கேள்வி எழுப்பியுள்ளன. மேலும், இதில் ராமச்சந்திர ராவின் பங்கு குறித்தும் அவர்கள் சந்தேகத்தை கிளப்பியுள்ளனர்.