திமுகவுக்கு அளிக்கும் வாக்கு பாஜகவுக்கானதே:விஜய்

சட்டப்பேரவைத் தேர்தலில் திமுகவுக்கு வாக்களித்தால், அது பாஜகவுக்கு வாக்களித்தது போலவே ஆகும் என்றார் தமிழக வெற்றிக் கழகத் தலைவர் விஜய். நாமக்கல்லில் சனிக்கிழமை நடைபெற்ற பிரசாரத்தின்போது அவர் மக்களிடையே பேசியது:

- 

தமிழன் என்று சொல்லடா, தலை நிமிர்ந்து நில்லடா என்றவரிகளுக்குச் சொந்தமான கவிஞர் ராமலிங்கம் பிறந்த மண், இடஒதுக்கீடு உரிமையை மக்களுக்குப் பெற்றுத்தந்த சென்னை மாகாண முதல்வராக இருந்த சுப்பராயன் பிறந்த மாவட்டம் நாமக்கல்.

திமுக தேர்தல் வாக்குறுதியில் அவருக்கு மணிமண்டபம் கட்டப்படும் என்றனர். ஆனால், அந்த வாக்குறுதியை அவர்கள் நிறைவேற்றவில்லை. ஒவ்வொரு ஒன்றியத்திலும் தானிய சேமிப்புக் கிடங்குகள், உலர் களங்களுடன் கூடிய கொள்முதல் நிலையங்கள் அமைக்கப்படும் என்ற வாக்குறுதிகளையும் இதுவரை நிறைவேற்றவில்லை. அரசு ஊழியர்கள், ஆசிரியர்கள், போக்குவரத்துக் கழக ஊழியர்களுக்கு பழைய ஓய்வூதியத் திட்டம் செயல்படுத்தப்படும் என்ற வாக்குறுதிகளும் நிறைவேற்றப்படாமலேயே உள்ளன.