இறந்தவர்களின் குடும்பங்களுக்கு தலா ரூ.5 லட்சம் கருணைத் தொகை: கர்நாடக அரசு அறிவிப்பு

ஹாசனில் வெள்ளிக்கிழமை நிகழ்ந்த சாலை விபத்தில் இறந்தவர்களின் குடும்பத்துக்கு தலா ரூ.5 லட்சம் வழங்கப்படும் என கர்நாடக மாநில அரசு அறிவித்தது.

- 

ஹாசன், செப்.13:

கர்நாடக மாவட்டம், ஹாசன் மாவட்டம், அரகல்கோடு வட்டம், மொசலே ஹொசஹள்ளி கிராமத்தில் வெள்ளிக்கிழமை இரவு விநாயகர் சிலை விசர்ஜன ஊர்வலத்தில் வேகமாக வந்த லாரி புகுந்ததில் 9 பேர் உயிரிழந்தனர். இதுகுறித்து வழக்குப் பதிந்த போலீஸார் விபத்துக்கான காரணத்தை விசாரித்து வருகின்றனர்.

முதல்கட்ட விசாரணையில், வேகமாக வந்த லாரியின் குறுக்கே இருசக்கர வாகனம் புகுந்ததால் அவர் மீது மோதாமல் இருப்பதற்காக, லாரியை வேறுதிசையில் திருப்பியபோது, ஓட்டுநரின் கட்டுப்பாட்டை இழந்த லாரி, விநாயகர் சிலை ஊர்வலத்தின் மீது மோதி விபத்து நிகழ்ந்தது எனத் தெரியவந்தது.