குடியரசு துணைத் தலைவர் தேர்தல்: சி.பி.ராதாகிருஷ்ணன் வேட்புமனு தாக்கல்

குடியரசு துணைத் தலைவர் தேர்தலில் போட்டியிடும் தேசிய ஜனநாயக கூட்டணி வேட்பாளர் சி.பி. ராதாகிருஷ்ணன் தனது வேட்பு மனுவை புதன்கிழமை தாக்கல் செய்தார்.

- 

புது தில்லி, ஆக. 20:

நாட்டின் இரண்டாவது உயரிய அரசமைப்புப் பதவியான குடியரசு துணைத் தலைவர் பதவிக்கு செப்டம்பர் 9-ஆம் தேதி தேர்தல் நடைபெறவுள்ளது. மக்களவை மற்றும் மாநிலங்களவை எம்.பி.க்கள் வாக்களிக்கும் இத்தேர்தலில் பாஜக தலைமையிலான தேசிய ஜனநாயக கூட்டணி சார்பில் மகாராஷ்டிர ஆளுநரும் தமிழகத்தைச் சேர்ந்த அனுபவமிக்க பாஜக மூத்த தலைவருமான சி.பி.ராதாகிருஷ்ணன் (67) போட்டியிடுகிறார். எதிர்க்கட்சிகளின் 'இண்டி' கூட்டணி சார்பில் தெலங்கானாவைச் சேர்ந்த உச்சநீதிமன்ற முன்னாள் நீதிபதி பி.சுதர்சன் ரெட்டி களமிறக்கப்பட்டுள்ளார். வேட்பு மனு தாக்கலுக்கு ஆகஸ்ட் 21-ஆம் தேதி கடைசி நாளாகும்.