கேரளத்தில் வெறிநாய் கடித்து 7 வயது சிறுமி உயிரிழப்பு

கேரள மாநிலத்தில் வெறிநாய் கடித்து அரசு மருத்துவமனையில் சிகிச்சை பெற்று வந்த 7 வயது சிறுமி திங்கள்கிழமை உயிரிழந்தார்.

- 

திருவனந்தபுரம், மே 5: கேரள மாநிலத்தில் வெறிநாய் கடித்து அரசு மருத்துவமனையில் சிகிச்சை பெற்று வந்த 7 வயது சிறுமி திங்கள்கிழமை உயிரிழந்தார்.

கேரளத்தின் கொல்லம் மாவட்டத்தில் உள்ள குன்னிக்கோடு பகுதியைச் சேர்ந்த நியா ஃபைசல் என்ற 7 வயது சிறுமியை அண்மையில் வெறிநாய் கடித்தது.

இதையடுத்து திருவனந்தபுரத்தில் உள்ள ஸ்ரீ அவிட்டம் திருநாள் அரசு மருத்துவமனையில் அவர் சிகிச்சை பெற்று வந்தார்.

வெறிநாய்க்கடியை குணப்படுத்தும் மருந்துகள் அவருக்கு தரப்பட்டு வந்தன. செயற்கை சுவாசமும் அளிக்கப்பட்டு வந்தது. தீவிர சிகிச்சை அளிக்கப்பட்டபோதிலும் நியா ஃபைசல் திங்கள்கிழமை உயிரிழந்தார்.

மலப்புரம் மாவட்டத்தைச் சேர்ந்த 6 வயது சிறுமியான ஜியா ஃபாரிஸ் வெறிநாய்க்கடியால் இறந்த சில தினங்களுக்குப் பிறகு நியா ஃபைசல் உயிரிழந்தார்.