அக்னி நட்சத்திரம்: சிவன் கோயில்களில் தாராபிஷேகம்

அக்னி நட்சத்திரம் எனும் கத்திரி வெயில் தொடங்கியதை அடுத்து வேலூர் மாவட்டத்தில் உள்ள சிவன் கோயில்களில் தாராபிஷேகம் ஞாயிற்றுக்கிழமை தொடங்கியது.

- 

வேலூர், மே 4:

கோடை வெயிலின் தாக்கம் நாளுக்கு நாள் அதிகரித்து வரும் நிலையில் வேலூர் மாவட்டத்தில் கடந்த ஏப்ரல் மாதத்தில் அதிகபட்சமாக 105.8 டிகிரி பாரன்ஹீட் அளவுக்கு பதிவாகி வந்தது. ஏப்ரல் மாதத்திலேயே 100 டிகிரிக்கும் அதிகமாக வெயில் பதிவானதால் மே மாதத்தில் குறிப்பாக அக்னி நட்சத்திரம் சமயத்தில் வெயிலின் தாக்கம் மேலும் அதிகரிக்கும் என்று மக்கள் அச்சமடைந்தனர்.

இந்நிலையில், கத்திரி வெயில் ஞாயிற்றுக்கிழமை தொடங்கி மே 28-ஆம் தேதி வரை நீடிக்கும் என்று வானிலை ஆய்வு மையம் தெரிவித்துள்ளது. அதன்படி, அக்னி நட்சத்திரம் தொடங்கியதை யொட்டி சிவன் கோயில்களில் தாராபிஷேகம் தொடங்கியது.