சென்னையின் முதல் 'ஏசி' மின்சார ரயில் சேவை தொடக்கம்

ரூ.35 முதல் ரூ.105 வரை கட்டணம்

- 

சென்னை, ஏப். 19: சென்னையில் குளிர்சாதன (ஏசி) வசதி கொண்ட புறநகர் மின்சார ரயில் சேவை சென்னை கடற்கரை - செங்கல்பட்டு இடையே சனிக்கிழமை தொடங்கியது. இதில் பயணக்கட்டணம் ரூ.35 முதல் ரூ.105 வரை நிர்ணயம் செய்யப்பட்டுள்ளது.

சென்னையின் புறநகர் பகுதிகளுக்கு இயக்கப்படும் மின்சார ரயில்களை மேம்படுத்தும் வகையில், ஏசி வசதியுடன் கூடிய மின்சார ரயிலை தெற்கு ரயில்வே அறிமுகம் செய்துள்ளது. சென்னை கடற்கரையிலிருந்து சனிக்கிழமை காலை 7 மணிக்கு இதன் முதல் சேவை தொடங்கியது.