கட்சிப் பதவியிலிருந்து துரை வைகோ விலகல்

மதிமுக முதன்மைச் செயலர் துரை வைகோ, அந்தப் பதவியிலிருந்து விலகுவதாக சனிக்கிழமை அறிவித்தார்.

- 

சென்னை, ஏப். 19: மதிமுக முதன்மைச் செயலர் துரை வைகோ, அந்தப் பதவியிலிருந்து விலகுவதாக சனிக்கிழமை அறிவித்தார். அவருடன் கட்சியின் பொதுச் செயலர் வைகோ தலைமையிலான நிர்வாகிகள் சமரசப் பேச்சில் ஈடுபட்டிருக்கின்றனர்.

துரை வைகோ மதிமுகவில் பொறுப்பேற்ற நாள் முதல் அவரது ஆதரவாளர்கள் துணைப் பொதுச் செயலர் மல்லை சத்யாவுக்கு எதிராகச் செயல்படுவதாகவும், கட்சி நிகழ்ச்சிகள் தொடர்பான பேனர், போஸ்டர்களில் மல்லை சத்யா பெயரைப் பயன்படுத்தக் கூடாது எனக் கட்டுப்பாடுகள் விதிப்பதாகவும் கூறப்பட்டது. துரை வைகோ- மல்லை சத்யா இடையேயான இந்த மோதல் முற்றியுள்ள நிலையில், கட்சி பதவியில் இருந்து விலகுவதாக துரை வைகோ அறிவித்தார்.