கொலைச் சம்பவங்களில் அரசியல் ஆதாயம் தேட முயற்சி

முதல்வர் மு.க.ஸ்டாலின் குற்றச்சாட்டு

- 

சென்னை, மார்ச் 20: ஒருசில கொலைச் சம்பவங்கள் மூலம் அரசு மீது பழி சுமத்தி அரசியல் ஆதாயம் தேட முயற்சிப்பதாக எதிர்க்கட்சிகள் மீது முதல்வர் மு.க.ஸ்டாலின் குற்றஞ்சாட்டினார்.

பேரவையில் வியாழக்கிழமை நடந்த நேரமில்லாத நேரத்தில் எதிர்க்கட்சித் தலைவர் எடப்பாடி கே.பழனிசாமி தெரிவித்த கருத்துகளுக்கு முதல்வர் மு.க.ஸ்டாலின் அளித்த பதிலளித்து பேசியதாவது:

தமிழ்நாட்டில் புதன்கிழமை நான்கு கொலைச் சம்பவங்கள் நடந்ததாக எதிர்க்கட்சித் தலைவர் கூறினார். கோவை சம்பவத்தைப் பொருத்தவரை முதல்கட்டமாக அது தற்கொலை எனத் தெரிவிக்கப்பட்டுள்ளது. மதுரை சம்பவம் குறித்து விசாரணை நடைபெற்று வருகிறது. சிவகங்கை கொலைச் சம்பவத்துக்கு குடும்பத் தகராறு காரணம் எனத் தெரியவந்துள்ளது.