திருநள்ளாறு சனிப்பெயர்ச்சி விழா: ரூ.25.9 கோடியில் வளர்ச்சித் திட்டப் பணிகள் அமைச்சர் க.லட்சுமிநாராயணன் தகவல்

அமைச்சர் க.லட்சுமிநாராயணன் தகவல்

- 

புதுச்சேரி/ காரைக்கால், ஜூலை 21: திருநள்ளாறு சனிப்பெயர்ச்சி பெருவிழாவை முன்னிட்டு பக்தர்கள் வசதிக்காக ரூ.25.9 கோடி மதிப்பீட்டில் பல்வேறு வளர்ச்சித் திட்டப் பணிகளை மேற்கொள்ள திட்டம் தீட்டப்பட்டுள்ளது.

புதுவை மாநிலம், காரைக்கால் மாவட்டம் திருநள்ளாற்றில் உள்ள பிரசித்தி பெற்ற பிரணாம்பிகை சமேத தர்பாரண்யேஸ்வரர் கோயிலில் தனி சந்நிதி கொண்டுள்ளார் சனி பகவான். இக்கோயிலில் சனிப்பெயர்ச்சி விழா சிறப்பாக நடைபெறும்.

வாக்கியப் பஞ்சாங்கப்படி வரும் 6.3.2026 அன்று காலை 8.24 மணிக்கு கும்ப ராசியில் இருந்து மீன ராசிக்கு சனி பகவான் பிரவேசிக்க உள்ளார். இந்தச் சனி பெயர்ச்சி விழாவுக்கு தமிழகம், புதுவை மட்டுமன்றி, பல்வேறு பகுதிகளிலிருந்தும் லட்சக்கணக்கான பக்தர்கள் திருநள்ளாருக்கு வருவார்கள்.