3 அதிகாரிகள் பணிநீக்கம்: ஏர் இந்தியாவுக்கு டிஜிசிஏ உத்தரவு

மண்டல துணைத் தலைவர் உள்பட 3 அதிகாரிகளை அனைத்துப் பொறுப்புகளிலிருந்தும் பணிநீக்கம் செய்ய டாடா குழுமத்துக்குச் சொந்தமான ஏர் இந்தியா நிறுவனத்துக்கு விமானப் போக்குவரத்து இயக்ககம் (டிஜிசிஏ) வெள்ளிக்கிழமை உத்தரவிட்டது.

- 

மும்பை, ஜூன் 21:

விமானப் பணியாளர்களுக்கு பணி ஒதுக்கீடு நடைமுறையில் தீவிர விதிமீறல்கள் நடைபெற்று இருப்பது கண்டறியப்பட்டதன் அடிப்படையில் இந்த உத்தரவை டிஜிசிஏ பிறப்பித்தது.

இதுகுறித்து டிஜிசிஏ வெள்ளிக்கிழமை பிறப்பித்த உத்தரவில் கூறியிருப்பதாவது: முறைப்படி ஓய்வு அளிக்கப்படாமலும், உரிமம் காலாவதியான நிலையிலும் விமானப் பணியாளர்களுக்கு பணி ஒதுக்கீடு செய்து ஏர் இந்தியா நிறுவனம் தொடர்ச்சியான விதிமீறல்களில் ஈடுபட்டிருப்பது ஆய்வில் தெரியவந்துள்ளது.