திருநள்ளாறு தர்பாரண்யேஸ்வரர் கோயிலில் பிரம்மோற்சவ கொடியேற்றம்

திருநள்ளாறு தர்பாரண்யேஸ்வரர் கோயில் பிரம்மோற்சவ விழா கொடியேற்றத்துடன் வெள்ளிக்கிழமை தொடங்கியது.

- 

காரைக்கால், மே 23: திருநள்ளாறு தர்பாரண்யேஸ்வரர் கோயில் பிரம்மோற்சவ விழா கொடியேற்றத்துடன் வெள்ளிக்கிழமை தொடங்கியது.

காரைக்கால் மாவட்டம், திருநள்ளாற்றில் உள்ள பிரணாம் பிடகை சமேத தர்பாரண்யேஸ்வரர் கோயில் நள சக்கரவர்த்திக்கு தோஷ நிவர்த்தி அளித்த தலம், சனீஸ்வர பகவான் தனி சந்நிதி கொண்டுள்ள தலம், தர்பை புல்லை தல விருட்சமாக கொண்ட தலம் என்று பல்வேறு சிறப்புகளை உடையது இக்கோயில்.

இக்கோயில் பிரம்மோற்சவ விழாவுக்காக கடந்த 18-ஆம் தேதி விக்னேஸ்வர பூஜை நடைபெற்றது. அதற்கு முன்னதாக சார்பு கோயில்களான ஐயனார், பிடாரி யம்மன், மாரியம்மன் கோயில்களில் விழா நடைபெற்றது.