வர்த்தக காரணங்களுக்காக சண்டை நிறுத்தமா?

டிரம்ப் கருத்துக்கு இந்தியா திட்டவட்ட மறுப்பு

- 

புது தில்லி, மே 13: பாகிஸ்தானுடன் பதற்றம் நிலவியபோது, இந்தியா-அமெரிக்கா இடையே நடைபெற்ற விவாதங்களில் வர்த்தகம் தொடர்பாக எதுவும் பேசப்படவில்லை என்று இந்தியா திட்டவட்டமாகத் தெரிவித்துள்ளது.

இந்தியா-பாகிஸ்தான் இடையே சண்டை நிறுத்தத்தை ஏற்படுத்த வர்த்தகத்தை கருவியாகப் பயன்படுத்தியதாக அமெரிக்க அதிபர் டிரம்ப் கூறியிருந்த நிலையில், இந்தியா மேற்கண்டவாறு தெரிவித்துள்ளது.

இந்தியாவும் பாகிஸ்தானும் கடந்த சனிக்கிழமை சண்டை நிறுத்தம் மேற்கொண்ட நிலையில், இந்த அறிவிப்பை முதலாவதாக வெளியிட்டவர் டிரம்ப். அமெரிக்காவின் மத்தியஸ்தத்தால் இது சாத்தியமானதாக அவர் கூறினார்.