சைவ சித்தாந்தம் தழைத்தோங்கும் தமிழ்நாடு: ஜெ.பி.நட்டா

சைவ சித்தாந்தம் தழைத்தோங்கும் பூமியாக தமிழ்நாடு திகழ்கிறது என மத்திய சுகாதார மற்றும் குடும்ப நலத் துறை அமைச்சரும் பாஜக தேசியத் தலைவருமான ஜெ.பி.நட்டா கூறினார்.

- 

தாம்பரம், மே 3:

திருக்கயிலாயப் பரம்பரை தரும ஆதீனம், அனைத்துலக சைவ சித்தாந்த ஆராய்ச்சி நிறுவனம் மற்றும் எஸ்.ஆர்.எம். தமிழ்ப் பேராயம் இணைந்து நடத்தும் 6-ஆவது அனைத்துலக சைவ சித்தாந்த மூன்று நாள் மாநாடு சனிக்கிழமை தொடங்கியது.

சென்னையை அடுத்த காட்டாங்கொளத்தூர் எஸ்ஆர்எம் உயர் தொழில்நுட்பக் கல்வி நிறுவனத்தில் நடைபெறும் இந்த மாநாட்டுக்கு எஸ்.ஆர்.எம். வேந்தரும் தமிழ்ப் பேராயம் நிறுவனருமான டி.ஆர்.பாரிவேந்தர் தலைமை வகித்தார். தருமபுரம் ஆதீனம் 27-ஆவது குருமகா சந்நிதானம் கயிலை மாசிலாமணி தேசிக ஞானசம்பந்த பரமாசாரிய சுவாமிகள் ஆசியுரை வழங்கினார்.

மாநாட்டைத் தொடங்கிவைத்து மத்திய அமைச்சர் ஜெ.பி. நட்டா பேசியதாவது: சைவ சித்தாந்தம் என்பது மதம் சார்ந்தது அல்ல, மனம் சார்ந்தது. சைவசித்தாந்தம் மனிதாபிமானத்தை வலியுறுத்துகிறது. பாரம்பரிய சைவ சித்தாந்தம் பற்றி நான் அறிவேன்.