நீட் குறித்து தவறான தகவல்கள் பரப்பும் டெலிகிராம், இன்ஸ்டாகிராம் சேனல்கள்

இளநிலை மருத்துவப் படிப்புகள் சேர்க்கைக்கான தேசிய தகுதிகாண் நுழைவுத் தேர்வு (நீட்) குறித்து தவறான தகவல்களைப் பரப்புவதாக 106 டெலிகிராம் மற்றும் 16 இன்ஸ்டாகிராம் சேனல்களை தேசிய தேர்வுகள் முகமை (என்டிஏ) அடையாளம் கண்டுள்ளது.

- 

புது தில்லி, மே 1:

நீட் தேர்வு முறைகேடுகளைத் தடுக்கும் வகையில் அண்மையில் தனது வலைதளத்தில் என்டிஏ அறிமுகம் செய்த புகார் தெரிவிப்பதற்கான பிரத்யேக வசதி மூலம் பெறப்பட்ட புகார்களின் அடிப்படையில் இந்தச் சேனல்களை அடையாளம் கண்டு அவற்றின் மீதான நடவடிக்கையை என்டிஏ தொடங்கியுள்ளது.

பிகார் மாநிலத்தில் உள்ள ஒரு தேர்வு மையத்தில் கடந்த ஆண்டு நீட் வினாத்தாள் கசிந்தது, உத்தர பிரதேசத்தில் உள்ள ஒரு மையத்தில் தேர்வு தொடங்குவதற்கு சில நிமிஷங்களுக்கு முன்பாக சமூக ஊடகத்தில் வினாத்தாள் கசிந்தது போன்ற சம்பவங்கள் மிகப் பெரிய சர்ச்சையாகின.