மாணவ- மாணவிகளுக்கு மே 9, 10-இல் தமிழ் வளர்ச்சித் துறை போட்டிகள்

திருவாரூரில், தமிழ் வளர்ச்சித் துறை சார்பில் பள்ளி, கல்லூரி மாணவ- மாணவிகளுக்கான பேச்சு, கட்டுரைப் போட்டிகள் மே 9, 10- ஆம் தேதிகளில் நடைபெறவுள்ளன என்று மாவட்ட ஆட்சியர் வ. மோகனச்சந்திரன் தெரிவித்துள்ளார்.

- 

திருவாரூர், ஏப். 27: திருவாரூரில், தமிழ் வளர்ச்சித் துறை சார்பில் பள்ளி, கல்லூரி மாணவ- மாணவிகளுக்கான பேச்சு, கட்டுரைப் போட்டிகள் மே 9, 10- ஆம் தேதிகளில் நடைபெறவுள்ளன என்று மாவட்ட ஆட்சியர் வ. மோகனச்சந்திரன் தெரிவித்துள்ளார்.

இதுகுறித்து அவர் வெளியிட்ட செய்திக் குறிப்பு: தமிழுக்கு செம்மொழித் தகுதியை பெற்றுத் தந்த முத்தமிழறிஞர் கருணாநிதியின் பெருமையைப் போற்றும் வகையில், அவர் பிறந்த நாளான ஜூன் 3 ஆம் தேதி தமிழக அரசின் சார்பில் ஆண்டுதோறும் செம்மொழி நாள் விழா கொண்டாடப்படும் என 2024-2025 ஆம் ஆண்டு தமிழ் வளர்ச்சித் துறையின் மானியக் கோரிக்கையின் போது அறிவிப்பு வெளியிடப்பட்டது.

அதன்படி, செம்மொழியின் சிறப்பையும், கருணாநிதியின் தமிழ்த்தொண்டின் பெருமையையும் மாணாக்கர்களுக்கு உணர்த்தும் வகையில், தமிழ் வளர்ச்சித் துறையின் சார்பில் பள்ளி, கல்லூரி மாணவ- மாணவிகளுக்கான மாவட்ட, மாநில அளவில் கட்டுரை, பேச்சுப் போட்டிகள் நடத்தப்பெற்று பரிசுகள் வழங்கப்படவுள்ளன.