புதுவை மாநிலத்தில் வணிக நிறுவனங்களில் தமிழில் பெயர்ப் பலகை அமைப்பது அவசியம் பேரவையில் முதல்வர் என்.ரங்கசாமி

புதுவை மாநிலத்தில் உள்ள அனைத்து வணிக நிறுவனங்கள், கடைகளில் தமிழில் பெயர்ப்பலகை அமைப்பது அவசியம் என்று முதல்வர் என்.ரங்கசாமி சட்டப்பேரவையில் செவ்வாய்க்கிழமை தெரிவித்தார்.

- 

புதுச்சேரி, மார்ச் 18:

புதுவை சட்டப்பேரவையில் பூஜ்ய நேரத்தில் சுயேச்சை எம்எல்ஏ ஜி. நேரு பேசுகையில், தமிழுக்கு முக்கியத்துவம் அளிக்கும் வகையில் புதுச்சேரி, காரைக்காலில் செயல்படும் வணிக நிறுவனங்களில் உள்ள பெயர்ப் பலகைகள் மற்றும் விளம்பர பலகைகளில் தமிழ் எழுத்துகளின் வாசகங்கள் முதல் வரிசையில் இடம் பெறவேண்டும்.

அதன்பிறகே பிறமொழிகளில் வாசகங்கள் இடம்பெற வேண்டும். பல மாநிலங்களில் அந்தந்த தாய்மொழி எழுத்துகளில் தான் வணிக நிறுவனங்களிலும், பொது இடங்களிலும் வாசகங்கள் இருக்க வேண்டும் என உத்தரவிடப்பட்டுள்ளது.