ஏரியா சபை... ஏமாற்றத்தில் முடிந்தது!

குறைந்தபட்சம் மக்கள் இந்த ஏரியா சபை நிகழ்வுகளில் கூடும்போது தங்கள் தேவைகளைப் பூர்த்தி செய்ய, தங்கள் கருத்துகளை எடுத்து வைப்பார்கள். அங்கு மக்கள் பிரச்னைகளைக் காது கொடுத்துக் கேட்க ஒருவர் இருக்கிறார் என்ற உணர்வை சாதாரண மக்களுக்கு ஏற்படுத்த முடியும்.

- 

அரசமைப்புச் சாசனம் மக்களைக் காக்க மகத்தான கருவி என்று முழங்காத கட்சிகளே இல்லை, தலைவர் இல்லை. ஆனால், அந்த மக்கள் சாசனம் இன்றுவரை மக்களிடம் போய்ச் சேரவில்லை. சேர்க்கவும் முயலவில்லை. அதேபோல் அரசமைப்புச் சாசனத்தால் உருவாக்கப்பட்ட கிராம சபை, இந்த நாட்டின் பிரதிநிதித்துவ மக்களாட்சியை பங்கேற்பு மக்களாட்சியாக மாற்றும் வல்லமை கொண்டது என்று எழுதாத ஆராய்ச்சி அறிஞர்களே இல்லை. அதே போன்றுதான் நகர்ப்புறங்களில் உருவாக்கப்பட்ட ஏரியா சபை (பகுதி சபை) என்பதும்.

குறைந்தபட்சம் மக்கள் இந்த மன்றங்களில் கூடும்போது தங்கள் தேவைகளைப் பூர்த்தி செய்ய தங்கள் கருத்துகளை எடுத்து வைப்பார்கள். அங்கு மக்கள் பிரச்னைகளைக் காது கொடுத்துக் கேட்க ஒருவர் இருக்கிறார் என்ற உணர்வை சாதாரண மக்களுக்கு ஏற்படுத்த முடியும். இந்தச் செயல்பாடுகள் மூலம்தான் அரசாங்கத்தின் மீது மக்களுக்கு நம்பிக்கையை ஏற்படுத்த முடியும் என்று கூறாத நிர்வாகவியல் நிபுணர்கள் இல்லை. ஆனால், இன்று இவையெல்லாம் சடங்குகளாக மாற்றப்பட்டதுதான் நாம் சந்திக்கும் எதார்த்த சூழல்.