சென்னையில் வென்றது டெல்லி

15 ஆண்டுகள் கழித்து

- 

சென்னை, ஏப். 5: 5 முறை சாம்பியன் சென்னை சூப்பர் கிங்ஸ் அணியை 25 ரன்கள் வித்தியாசத்தில் வீழ்த்தியது டெல்லி கேபிட்டல்ஸ். கடந்த 2010-க்கு பின் 15 ஆண்டுகள் கழித்து சென்னையில் வென்றுள்ளது டெல்லி கேபிட்டல்ஸ்.

ஐபிஎல் தொடரின் 17-ஆவது ஆட்டத்தில் சென்னை சூப்பர் கிங்ஸ்-டெல்லி கேபிட்டல்ஸ் அணிகள் சென்னை சேப்பாக் கம் மைதானத்தில் சனிக்கிழமை மோதின. டாஸ் வென்ற டில்லி பேட்டிங்கை தேர்வு செய்தது. இதையடுத்து டில்லி தரப்பில் ஜேக் ஃபிரேஸர்-கே.எல். ராகுல் இணை தொடக்க பேட்டர்களாக களமிறங்கினர்.

ஆனால் ஜேக் ஃபிரேஸர் 5 பந்துகளை மட்டுமே எதிர்கொண்டு கலீல் அகமது பந்தில், அஸ்வினிடன் கேட்ச் தந்து டக் அவுட்டானார்.

பின்னர் இணைந்த ராகுல்-அபிஷேக் போரல் இணை நிலைத்து ஆடி ஸ்கோரை உயர்த்தியது. அபிஷேக் 1 சிக்ஸர், 4 பவுண்டரியுடன் 20 பந்துகளில் 33 ரன்களை விளாசி, ரவீந்திர ஜடேஜா பந்தில் அவுட்டானார்.

அக்ஸர் படேல் 21 ரன்களுக்கு நூர் அகமது பந்திலும், சமீர் ரிஸ்வி 20 ரன்களுடன் கலீல் அகமது பந்திலும் அவுட்டாகி வெளியேறினர். அசுதோஷ் சர்மா 1 ரன்னுடன் ரன் அவுட்டானார்.

ராகுல் அதிரடி 77: ஒருமுனையில் டில்லி அணியில் விக்கெட்டுகள் வீழ்ந்த நிலையில் மறுமுனையில் பொறுப்பாக ஆடிய ராகுல் 3 சிக்ஸர், 6 பவுண்டரியுடன் 51 பந்துகளில் 77 ரன்களுடன் அரைசதத்தை பதிவு செய்தார்.

ஸ்டப்ஸ் தன் பங்குக்கு 12 பந்துகளில் 24 ரன்களை விளாசி ஸ்கோரை உயர்த்தினார்.

டில்லி கேபிட்டல்ஸ் 183/6: நிர்ணயிக்கப்பட்ட 20 ஓவர்களில் டில்லி அணி 183/6 ரன்களை சேர்த்தது. பௌலிங்கில் சென்னை தரப்பில் கலீல் அகமது 2-25 விக்கெட்டுகளையும், ஜடேஜா, நூர் அகமது, மதிஷா பதி ராணா ஆகியோர் தலா 1 விக்கெட்டையும் வீழ்த்தினர்.