திருப்பரங்குன்றம் மலையில் ஆடு, கோழிகள் பலியிடத் தடை

உயர்நீதிமன்றம் உத்தரவு

- 

மதுரை திருப்பரங்குன்றம் மலையில் ஆடுகள், கோழிகள் பலியிடத் தடை விதித்து ஏற்கனவே பிறப்பிக்கப்பட்ட உத்தரவை சென்னை உயர்நீதிமன்ற மதுரை அமர்வு வெள்ளிக்கிழமை உறுதி செய்தது.

திருப்பரங்குன்றம் மலையில் ஆடுகள், கோழிகள் பலியிடவும், அசைவ உணவுகள் பரிமாறவும், அங்குள்ள நெல்லித்தோப்புப் பகுதியில் தொழுகை நடத்தவும் தடை விதிக்கக்கோரி சோலைக்கண்ணன், ராமலிங்கம், பரமசிவம் ஆகியோரும், திருப்பரங்குன்றம் மலையை சமணர் குன்று என அறிவிக்கக் கோரி சுவஸ்தி ஸ்ரீலட்சுமி சேனா பட்டாச்சார்ய மகா சுவாமியும், மலையின் மீதுள்ள சிக்கந்தர் தர்காவில் பராமரிப்பு, சீரமைப்புப் பணிகளை அனுமதிக்கக் கோரி சிக்கந்தர் தர்காவின் முதுநிலை மேலாண்மை அறங்காவலர் ஓசிர்கானும், சிக்கந்தர் தர்காவுக்கு வரும் பக்தர்களுக்குத் தேவையான அடிப்படை வசதிகளை உறுதி செய்யக் கோரி அப்துல் ஜப்பாரும் சென்னை உயர்நீதிமன்ற மதுரை அமர்வில் ஏற்கனவே மனுக்கள் தாக்கல் செய்தனர்.