மேற்கு வங்கத்தில் சட்டவிரோத குடியேற்றம்: 3 வங்கதேசத்தவர் கைது

மேற்கு வங்கத்தின் சிலிகுரி நகரில் சட்டவிரோதமாக இந்தியாவில் தங்கியிருந்த 3 வங்கதேசத்தவரை மத்திய துணை ராணுவப் படையினர் கைது செய்தனர்.

- 

சிலிகுரி, செப். 3:

அமல் ராய், கெளதம் ராய், பிரீதம் ராய் என்ற அந்த மூவரும் உறவினர்கள் ஆவர். அவர்களிடம் இருந்து வங்கதேச குடிமக்கள் என்பதற்கான சில அடையாள ஆவணங்களும் இருந்துள்ளன. இதையடுத்து அவர்கள் கைது செய்யப்பட்டனர். இதில் பிரீதம் முதலில் முறைப்படி இந்தியா வந்துள்ளார். அவருக்கு கடந்த ஏப்ரல் 1-ஆம் தேதியுடன் விசா முடிவடைந்துள்ள நிலையில், இந்தியாவில் தொடர்ந்து சட்டவிரோதமாக தங்கியிருந்துள்ளார்.