ஏற்றுமதியாளர்களுக்கு உதவ விரைவில் புதிய திட்டம்

அமெரிக்காவின் கூடுதல் வரி விதிப்பால் பாதிக்கப்பட்டுள்ள ஏற்றுமதியாளர்களுக்கு உதவும் வகையில் மத்திய அரசு சார்பில் விரைவில் புதிய திட்டம் அறிவிக்கப்படும் என மத்திய நிதித்துறை அமைச்சர் நிர்மலா சீதாராமன் தெரிவித்தார்.

- 

சென்னை, செப். 2:

இதுகுறித்து சென்னையில் அவர் செய்தியாளர்களிடம் செவ்வாய்க்கிழமை கூறியதாவது: கரோனா காலகட்டத்தின்போது தொழில் நிறுவனங்கள் மற்றும் ஏற்றுமதியாளர்கள் பாதிக்கப்படக்கூடாது என்பதற்காக அவசர கடன் வரி உத்தரவாத திட்டத்தை மத்திய அரசு அறிமுகம் செய்தது. இத்திட்டம் அந்த காலகட்டத்தில் எந்த நிறுவனமும் பாதிக்கப்படாத வகையில் மிகவும் உதவியாக இருந்தது.