மனக் கவலையை மாற்றுவது எளிது!

முனைவர் தென்காசி கணேசன்

- முனைவர் தென்காசி கணேசன்

நாம் நான்கு கி.மீ. நடந்தால், உடல் நலத்துடன், மனக் கவலைகளும் மறைய வாய்ப்பு உண்டு - இது செய்தி. எனக்கிருக்கும் கவலைகளுக்கு, கன்னியாகுமரியில் இருந்து காஷ்மீர் வரை நடந்தால் கூட, என் கவலைகள் மறையுமா என்பது சந்தேகம்தான்.

இந்த ஜோக், வாட்ஸ்ஆப்பில் வந்தது. உண்மைதான்! 'கவலை இல்லாத மனிதன்' என்பது திரைப்படத்தின் அல்லது கதையின் தலைப்பாக வேண்டுமானால் இருக்கலாம். உண்மையில் வாழ்க்கையில் கவலை இல்லாதவர் என்று யாரும் கிடையாது.

கவலை, பிறக்கும்போதே, தாய்ப்பாலுடன் உள்ளே புகுந்து விடுகிறது. அவரவர் கள் நிலைக்கேற்ப, வயதுக்கேற்ப, கவலைகள். இன்னும் சொல்லப்போனால், கவலைகள் ஒவ்வொருவர் கைகளிலும் அழியாத ரேகைகளாய் இருக்கின்றன என்றால் மிகையாகாது. அளவு வேண்டுமானால் வேறுபடலாம். பாரதி,

நின்னைச் சரண் அடைந்தேன் - கண்ணம்மா
நின்னைச் சரண் அடைந்தேன்
என்னைக் கவலைகள்
தின்னத்தகாதென்று
நின்னைச் சரண் அடைந்தேன் என்பான்.