உள்ளாட்சிப் பதவி காலியிடங்களுக்கான தேர்தல்: இடஒதுக்கீட்டை அரசு உறுதிசெய்ய உத்தரவு

தமிழகத்தில் ஒன்பது மாவட்டங்களில் காலியாக உள்ள உள்ளாட்சிப் பதவிகளுக்கான இடைத் தேர்தல் வழக்கில், புகைப்படத்துடன்கூடிய வாக்காளர்கள் பட்டியல், வார்டு வரையறை, இடஒதுக்கீட்டை தமிழக அரசு உறுதி செய்ய வேண்டும் என சென்னை உயர்நீதிமன்ற மதுரை அமர்வு புதன்கிழமை உத்தரவிட்டது.

- 

மதுரை, மே 21:

திருநெல்வேலி மாவட்டம், பெருஞ்சேரி, வெங்கடாசலபுரம் பகுதியைச் சேர்ந்த கா. சண்முகநாதன் சென்னை உயர்நீதிமன்ற மதுரை அமர்வில் தாக்கல் செய்த பொதுநல மனு:

தமிழகத்தில் கடந்த 2021-ஆம் ஆண்டு புதிதாக உருவாக்கப்பட்ட 9 மாவட்டங்களில் மட்டும் உள்ளாட்சித் தேர்தல் நடைபெற்றது. கடந்த 2011-ஆம் ஆண்டைய மக்கள் தொகை கணக்கெடுப்பின் அடிப்படையில் வார்டு வரையறை, இடஒதுக்கீடு முடிவு செய்யப்பட்டது. ஆனால், இந்த இடைப்பட்ட காலத்தில் மக்கள் தொகை எண்ணிக்கை அதிகரித்தது.