மற்ற கட்சிகளின் உள் விவகாரங்களில் பாஜக தலையிடாது

பிற கட்சிகளின் உள் விவகாரங்களில் பாஜக தலையிடாது என்று அந்தக் கட்சியின் மாநிலத் தலைவர் கே.அண்ணாமலை தெரிவித்தார்.

- 

கோவை/சென்னை மார்ச் 30:

இது குறித்து கோவை விமான நிலையத்தில் ஞாயிற்றுக்கிழமை அவர் செய்தியாளர்களிடம் கூறியதாவது: அண்மையில் மேற்கொள்ளப்பட்ட கருத்துக்கணிப்பில் முதல்வர் மு.க.ஸ்டாலினுக்கு 27 சதவீத மக்கள்தான் வாக்களித்துள்ளனர். நான்கில் மூன்று பேர் அவரை வேண்டாம் என்று சொல்கின்றனர். முதல்வர் யார் என்று சொல்லாத நிலையிலும் பாஜக இந்தப் பட்டியலில் 4-ஆவது இடத்துக்கு வந்திருப்பதை சரித்திரமாகப் பார்க்கிறோம்.

எனக்கு எந்த ஒரு கட்சியின் மீதோ, தலைவரின் மீதோ தனிப்பட்ட வகையில் கோபம் கிடையாது. யாருக்கும் நான் எதிரானவனும் கிடையாது. கருத்துகளை கருத்துகளால் எதிர்கொள்கிறேன்.